食得健康
冬天食太飽?消滯大法你要知!

雞煲?火鍋?九層海鮮塔?相信今個冬天大家一定吃得飽滿,很滿足吧!不過食得太多容易令人太飽,胃部感到不適。想食得毫無顧忌又滋味,記得要用以下方法消一消滯,咁先可以隨時自己鍾意嘅美食!

 

咖啡或茶

飲茶可以帶來消滯效果,因為茶含有咖啡因及丹寧酸,可以加速胃酸分泌,令食物分解過程加快,使胃部可盡快收緊騰出空間,減低飽滯感覺,而咖啡亦係另一個消滯選擇。

 

低脂乳酪

好多女生都鍾意食乳酪因為佢低脂,原來食乳酪可以消滯,因為乳酪含有益生菌,有助幫助腸道蠕動,加快排出宿便,減少肚脹情況,即使食到幾飽,再食番杯乳酪就唔再滯啦!

 

山楂芽飲

山楂及麥芽都可以幫助消化,山楂有助消化油膩腥羶肉食,麥芽則對於消化米、麵、薯、芋等澱粉質食物嘅積滯效果更佳,製作簡單,方便上班族飲用。
 

材料︰山楂 10克、炒麥芽 15克及冰糖適量

做法︰把山楂、麥芽一同加水煎湯,煎沸5-7分鐘後,加入適量冰糖後去渣取汁。

 

Nestlé tips︰除咗以上嘅方法,大家記得要每日花30分鐘做帶氧運動,幫助腸道蠕動,加上排出大量汗水,消滯瘦身一齊嚟!